காரைக்குடியில் தாசில்தார் வீட்டில் 67 பவுன் திருட்டு

காரைக்குடி, ஜூலை 18& காரைக்குடி பர்மா காலனி வள்ளுவர் நகரை சேர்ந்தவர் தனபால். இவரது மனைவி சாந்தி (வயது 56). சிவகங்கை தாலுகா அலுவலகத்தில் சமூக பாதுகாப்பு திட்ட தாசில்தாராக பணிபுரிந்து வருகிறார். நேற்று வீட்டில் உள்ள அனைவரும் வெளியில் சென்ற நிலையில், மர்மநபர்கள் வீட்டின் பின்பக்க கதவை உடைத்து பீரோவில் இருந்த 67 பவுன் நகை மற்றும் ரூ.1,25,000 பணம், மற்றும் டைனிங் ஹால், பூஜை அறையில் இருந்த கால்

கிலோ வெள்ளி பொருட்கள், லேப்டாப் ஆகியவற்றை திருடி சென்றனர். மதியம் 2 மணியளவில் அவரது மருமகள் வீட்டிற்கு வந்து பார்த்தபோது, வீட்டின் பின்பக்க கிரில் கதவு உடைக்கப்பட்டு, நகைகள் திருடு போனது தெரிய வந்தது. இதையடுத்து தாசில்தார் சாந்திக்கு தகவல் தெரிவித்தார். அவர் காரைக்குடி வடக்கு போலீசில் புகார் அளித்தார். அதன் அடிப்படையில் வடக்கு இன்ஸ்பெக்டர் இளையராஜா வழக்கு பதிந்து விசாரணை நடத்தி வருகிறார்.