காரைக்குடியில் மாவட்ட ரோல் பால் சாம்பியன்ஷிப் - 2026 போட்டி

காரைக்குடி, ஜூலை 27- காரைக்குடி, செட்டிநாடு பப்ளிக் பள்ளி வளாகத்தில் சிவகங்கை மாவட்ட ரோல் பால் சங்கம் சார்பில் 16-வது சிவகங்கை மாவட்ட ரோல் பால் சாம்பியன்ஷிப் மாநில ரோல் பால் போட்டிக்கான தேர்வுப் போட்டி நடைபெற்றது. 9 வயதுக்குட்பட்டோர், 11 வயதுக்குட்பட்டோர், 14 வயதுக்குட்பட்டோர் மற்றும் 17 வயதுக்குட்பட்டோர் ஆகிய பிரிவுகளில் ஆண்கள் மற்றும் பெண்கள் அணிகள் பங்கேற்றன. பள்ளியின் முதல்வர் ராமசுப்பிரமணியன் வரவேற்றார். செட்டிநாடு பப்ளிக் பள்ளி தலைவர் எஸ்.பி. குமரேசன் தலைமை வகித்தார். தமிழ்நாடு ரோல் பால் சங்கத்தின் பொதுச் செயலாளர் கோவிந்தராஜ் சாய் தொடங்கி வைத்தார்.

போட்டியில் தேர்வு செய்யப்பட்ட வீரர், வீராங்கனைகள் மாநில அளவிலான போட்டிகளில் பங்கேற்க தகுதி பெற்றுள்ளனர். ஒன்பது மற்றும் 11 வயதுக்குட்பட்டோர் பிரிவு போட்டிகள் செங்கல்பட்டு மாவட்டத்திலும், 14 வயதுக்கு உட்பட்டோருக்கான போட்டிகள் திருச்சி மாவட்டம் சாய் ஜவஹர் ரோல் பால் மைதானத்திலும், 17 மற்றும் 19 வயதுக்கு உட்பட்டோருக்கான போட்டிகள் திண்டுக்கல் மாவட்டத்தில் ஜூலை மற்றும் ஆகஸ்ட் மாதங்களில் நடைபெற உள்ளன. பள்ளி துணை சேர்மன் அருண்குமார், ப்ரீத்தி அருண்குமார் மற்றும் சாந்தி குமரேசன் வாழ்த்தினர்.