காரைக்குடி நகர் பகுதியில் கல்லால் தாக்கி வாலிபர் கொலை

காரைக்குடி, ஜூன் 29& காரைக்குடியில் இன்று கல்லால் தாக்கப்பட்டு முகம் சிதைந்த நிலையில் வாலிபர் கொலை செய்யப்பட்டு கிடந்தார். காரைக்குடி பேருந்து நிலையம் அருகே உள்ளது ஆனந்தாநகர் பகுதி. இன்று காலை குடியிருப்பு நிறைந்த அந்த பகுதியின் காலி இடம் ஒன்றில் 35 வயது மதிக்கத்தக்க அடையாளம் தெரியாத ஆண் ஒருவர் தலையில் கல்லை போட்டு முகம் சிதைக்கப்பட்டு கொலை - செய்யப்பட்டு கிடந்தார். தகவல் அறிந்த காரைக்குடி உதவி காவல் கண்காணிப்பாளர் ஆஷிஷ் புனியா மற்றும் வடக்கு காவல்துறையினர் சம்பவ இடத்திற்கு வந்து உடலை கைப்பற்றி விசாரணை நடத்தி வருகின்றனர்.

கொலை செய்யப்பட்ட வாலிபரின் வாலிபரின் இடது கையில் ஆதித்தி என்ற பெயரும் வலது கையில் காவியா என்ற பெயரும் பச்சை குத்தப்பட்டுள்ளது. முன்விரோதமா அல்லது மது போதையில் நடந்ததா என்பது குறித்து போலீசார் தீவிர விசாரணை நடத்தி வருகின்றனர். காலை நேரத்தில் நடந்த இந்த சம்பவத்தால் அப்பகுதியில் பரபரப்பு ஏற்பட்டுள்ளது.