காரைக்குடி அருகே நடை பயிற்சிக்கு சென்ற பொழுது கீழே கிடந்த 4 சவரன் தங்க தாலி செயின்

காரைக்குடி, ஜூன் 25- காரைக்குடி அருகே புதுவயல் பெருமாள் கோயில் பின்புறம் வசிப்பவர் கண்ணன். இவரது மனைவி நாகலட்சுமி (வயது 51 ). இவர் இன்று காலை புதுவயல் இரட்டை பிள்ளையார் கோவில் ஊரணி அருகே நடைபயிற்சி சென்ற பொழுது சாலையில் தங்கச் சங்கிலி ஒன்று அருந்து கிடப்பதை கண்டெடுத்தார். அது தாலியுடன் கூடிய தங்க சங்கிலி என தெரியவந்தது. உடனடியாக அதனை எடுத்து அவரது மகளுடன் சாக்கோட்

டை காவல் ஆய்வாளர் மகேஸ்வரியிடம் சுமார் 4 சவரன் தங்கச் சங்கிலியை ஒப்படைத்தார். அவரை காவல் ஆய்வாளர் மற்றும் காவலர்கள் பாராட்டினர்.தாலியுடன் தங்கச்சங்கிலி காணவில்லை என்று யாரும் இதுவரை புகார் அளிக்கவில்லை அதனால் தாலியுடன் தங்க சங்கிலியையை பறிகொடுத்தவர் உரிய ஆவணங்களுடன் காவல் நிலையம் சென்றால் அவர்களிடம் தங்கச் சங்கிலி ஒப்படைக்கப்படும் என்று காவல்துறையினர் தெரிவித்தனர்.