தொழிலாளியை தாக்கிய போதை ஆசாமி; சிசிடிவி காட்சிகள் வெளியீடு

காரைக்குடி, ஜூன் 12- சிவகங்கை மாவட்டம் காரைக்குடி மீனாட்சிபுரம் பட்டவர் கோவில் பகுதியைச் சேர்ந்தவர் சுப்பிரமணி வயது 56. இவர் இரும்பு கடையில் வேலை பார்த்து வருகிறார். நேற்று இரவு சாப்பாடு வாங்குவதற்காக கழனி வாசல் புது ரோடு பள்ளிவாசல் கிழ மேல் வீதியில் செல்லும் பொழுது, அங்கு போதையில் டூவீலருடன் நண்பர் ஒருவருடன் நின்று கொண்டிருந்த சந்தோஷ் என்பவன் சுப்பிரமணி நடந்து வரும்பொழுது அவரை கீழே தள்ளி கொடூரமாக தாக்கும் சிசிடிவி காட்சி வைரல் ஆகி வருக

ிறது. இது குறித்து சுப்பிரமணியன் மகன் தெரிவிக்கும் பொழுது கடந்த மூன்று ஆண்டுகளுக்கு முன்பு குடிப்பதற்கு பணம் இல்லை என்று சந்தோஷின் அப்பா சுப்பிரமணியை தாக்கி பணத்தை பறித்ததாகவும், அந்த வழக்கு தற்போது நீதிமன்றத்தில் நடந்து வருவதாகவும், இந்த முன்விரோதம் காரணமாக மீண்டும் நேற்று இரவு தனது தந்தை சாப்பாடு வாங்க போகும் போது கொடூரமாக தாக்கி உள்ளதாக தெரிவித்தார். இதுகுறித்து வடக்கு காவல் துறையினர் வழக்கு பதிவு செய்து குற்றவாளிகளை தேடி வருகின்றனர்.