காரைக்குடி அருகே கஞ்சா விற்பனை செய்த இருவர் கைது

காரைக்குடி, ஜூன் 24- காரைக்குடி அருகே உள்ள மாத்தூர் கண்டனூர் சாலையில் உள்ள ஒரு குறிப்பிட்ட வேப்பமர நிழலில் இரு நபர்கள் இளைஞர்களுக்கு கஞ்சா விற்பதாக சாக்கோட்டை காவல் ஆய்வாளர் மகேஸ்வரிக்கு தகவல் கிடைத்தது அதனைத் தொடர்ந்து அப்பகுதியில் மறைந்திருந்து கண்காணித்த பொழுது இரு நபர்கள் கஞ்சா பொட்டலங்களைஎடுத்து அப்பகுதியில் உள்ள இளைஞர்களுக்கு விற்பனை செய்ய எடுத்த பொழுது

அவர்களை சுற்றி வளைத்து பிடித்த காவல்துறையினர் அவர்களிடமிருந்த 1 கிலோ 100 கிராம் கஞ்சாவை பறிமுதல் செய்தனர். அவர்கள் இருவரும் சாக்கோட்டையை சேர்ந்த பக்ருதீன் மற்றும் சோனையன் என தெரியவந்தது. விசாரணை செய்ததில் புதுக்கோட்டையிலிருந்து கஞ்சா வாங்கி வந்து கிராமப்புற பகுதி இளைஞர்களுக்கு கஞ்சா விற்பனை செய்து வந்தது தெரியவந்தது. அதனை தொடர்ந்து இருவரையும் கைது செய்தனர்.