போதை ஒழிப்பு தீப்பந்த பேரணி கனிமவளத்துறை அமைச்சர் டாக்டர் பிரபு தொடங்கி வைத்தார்

காரைக்குடியில் உலக போதை ஒழிப்பு தினத்தை முன்னிட்டு காரைக்குடி குளோபல் மிஷின் மருத்துவமனை மற்றும் ஆராய்ச்சி மையம், மத்திய தொழில் பாதுகாப்பு படை, தமிழக காவல்துறை, ஊர் காவல் படை, விவேகானந்தா நர்சிங் கல்லூரி, எஸ்.எம்.எஸ்.வி., மேல்நிலைப்பள்ளி, காரைக்குடி வெல்பர் அசோசியேஷன் இணைந்து போதை ஒழிப்பு தீப்பந்த பேரணியை நடத்தின. பேரணியை கனிமவளத்துறை அமைச்சர் டாக்டர் பிரபு கொடி அசைத்து துவக்கி வைத்தார். மது ஒழிப்பு தீபந்தத்தை செல்லப்பன் வித்யா மந்திர் பள்ளி தாளாளர் சத்தியன் ஏற்றினார்

. காரைக்குடி பெரியார் சிலையில் இருந்து துவங்கிய ஊர்வலம் புதிய பேருந்து நிலையம் அருகில் உள்ள கண்ணதாசன் மணி மண்டபத்தை அடைந்தது. அங்கு போதை ஒழிப்பு உறுதிமொழியை அமைச்சர் பிரபு வாசிக்க அனைவரும் சேர்ந்து உறுதிமொழியை ஏற்றனர். நிகழ்ச்சியில் ஏ.டி.எஸ்.பி. பிரான்சிஸ், உதவி ஆணையர் கலால், மத்திய தொழில் பாதுகாப்பு படை கமாண்டர் மனோஜ் பிரபாகர் ,காரைக்குடி தாசில்தார் ராஜா, சமூக ஆர்வலர்இஸ்மாயில் மற்றும் பலர் பங்கேற்றனர். காரைக்குடி குளோபல் மருத்துவமனை சேர்மன் குமரேசன் நன்றி கூறினார்.