தரமற்ற காலை உணவு , ஊதிய உயர்வு உள்ளிட்ட பல்வேறு கோரிக்கைகளை வலியுறுத்தி மாநகராட்சி தூய்மை பணியாளர்கள் சாலை மறியல் போராட்டம்

சிவகங்கை மாவட்டம் காரைக்குடி மாநகராட்சியில் 85 பேர் நிரந்தர தூய்மை பணியாளர்களாகவும், 185 பேர் ஒப்பந்த தூய்மை பணியாளர்களாகவும் பணியாற்றி வருகின்றனர். நிரந்தரமான பணிபுரியும் துப்புரவு பணியாளர்களுக்கு வழங்கப்படும் ஊதியத்தை போன்று ஒரே மாதிரியான ஊதியத்தை வழங்க கோரி பலமுறை கோரிக்கை வைத்தும் ஊதியத்தை உயர்த்தி தரவில்லை என்றும் நிரந்தர தூய்மை பணியாளர்களுக்கு பல ஆண்டுகளாக பிடித்தம் செய்யப்பட்ட பிஎஃப் (PF) பணம் வரவு வைக்கப்படவில்லை என்றும் தினந்தோறும் காலையில் துப்புரவு பணியாளர்களுக்கு வழங்கப்படும் உணவு மோசமாக உள்ளதாகவும் கெட்டுப்போன உணவை வழங்குவதாகவும், தூய்மை பணிக்கு வழங்கப்படும் வாகனங்கள் பழுதடைந்து உள்ளதாகவும் அதை பழுது நீக்கி நல்ல வாகனம் தர வேண்டும் என்றும் இறந்த தொழிலாளர்களுக்கு பணப்பலன்களை உடனே வழங்க வேண்டும் என பல்

வேறு கோரிக்கைகளை வழியுறுத்தி மாநகராட்சி ஆணையாளர் சங்கரன் வாகனத்தை சிறைபிடித்து காரைக்குடி - தேவகோட்டை பிரதான சாலையில் அமைந்துள்ள கொப்புடைய நாயகி அம்மன் கோவில் அருகே சாலையில் மறியல் போராட்டத்தில் ஈடுபட்டனர் அவர்களுடன் ஏ ஐ டி யு சி தொழிற்சங்கமும் போராட்டத்தில் பங்கேற்றனர். காவல்துறை சார்பில் பேச்சுவார்த்தை நடத்தினர். சாலை மறியல் போராட்டம் குறித்து அறிந்த அமைச்சர் டி கே பிரபு உடனடியாக தொழிற்சங்க நிர்வாகியிடம் தொலைபேசியில் தொடர்பு தூய்மை பணியாளர்களின் கோரிக்கை குறித்து உரிய நடவடிக்கை எடுக்கப்படும் என்று கூறியதை தொடர்ந்து போராட்டத்தை கைவிட்டு தூய பணியாளர்கள் கலந்து சென்றனர். கீழ் பணியாளர்களின் போராட்டத்தால் அப்பகுதியில் சுமார் ஒரு மணி நேரம் போக்குவரத்து பாதிப்பு ஏற்பட்டது வாகனங்கள் மாற்று வழியில் திருப்பி விடப்பட்டது.