கல்வி உதவித் தொகை வழங்கும் முகாம் மற்றும் மருத்துவ முகாம்

காரைக்குடி, ஜூன் 29- காரைக்குடி செஞ்சை பகுதியினை சேர்ந்தவர் முனைவர் தினகரன். இவர் ஆடிட்டர் ஆக சிங்கப்பூரில் வசிக்கிறார். இவர் செஞ்சை யில் கட்டியுள்ள தினா வள்ளி மஹால் திருமண மண்டபத்தில் வரும் சொந்த வருமானத்தை அப்படியே பின் தங்கிய மாணவ, மாணவிகளின் கல்வி வளர்ச்சிக்காக வழங்குங்குகிறார். தன் பெற்றோர் ராமசாமி அலமேலு பெயரில் ஒரு அறக்கட்டளை நிறுவி அதன் மூலம் கல்வி உதவி தொகை வழங்கி வருகிறார். அதன்படி காரைக்குடி செஞ்சை தினா வள்ளிமஹாலில் , இரண்டாவது ஆண்டாக கல்வி உதவி தொகை வழங்கும் முகாம் நடந்தது. கனிம வளத்துறை அமைச்சர் டாக்டர் பிரபு 154 மாணவ மாணவிகளுக்கு கல்வி உதவி தொகையினை வழங்கினார். காரைக்குடி மற்றும் சுற்று வட்டார பகுதிகளை சேர்ந்த அரசு மற்றும் அரசு உதவி பெறும் 27 பள்ளிகளைச் சேர்ந்த 10, 12ஆம் வகுப்பு பொதுதேர்வுகளில் முதல் 3 இடங்களை பிடித்த 134 மாணவர்களுக்கும், பள்ளி,மருத்துவம், பொறியியல், கலைக்கல்லூரிகளில் பயிலும் 20மாணவர்களுக்கும் கல்வி உதவி தொகை வழங்கப்பட்டது. இன் நிகழ்விற்கு முனைவர் தினகரன் தலைமை தாங்கி முகாமின் நோக்கத்தை எடுத்து கூறினார். தொழிலதிபர் படிக்காசு முன்னிலை வகித்தார்.

சென்னை ஆடிட்டர் சுப்பிரமணியன், குளோபல் மருத்துவமனை சேர்மன் மருத்துவர் குமரேசன், தாசில்தார் ராஜா, தொழிலதிபர் சுப்பிரமணியன், அப்புதாபி செங்கையா ராமசாமி, தங்கமணி, பேராசிரியை ஜெயலட்சுமி, ஆசிரியை கமலா வாழ்த்துரை வழங்கினர். முன்னதாக இந்தியன் ரெட் கிராஸ் சொசைட்டி சார்பில் மாணவர்கள், பெற்றோர்களுக்கு நடைபெற்ற மருத்துவ முகாமை அமைச்சர் துவக்கி வைத்தார். நடமாடும் மருத்துவ மனை, குளோபல் மருத்துவமனை, பிரபு டென்டல் கேர் , காணல் கண் மருத்துவ மனை கள் இம் முகாமில் இல்வச சேவைகளை வழங்கினார்கள். இந்திய செஞ்சிலுவை சங்க சேர்மன் சுந்தரராமன் வரவேற்றார். செயலர் ஆனந்தகிருஷ்ணன் நன்றி கூறினார். விழாவிற்கான ஏற்படுகளை பெரியண்ணன், ஆசிரியர்கள் கிரிஜா, செந்தில்நாதன் மற்றும் செல்வி ஆகியோர் செய்திருந்தனர்.