காரைக்குடி குளோபல் மிஷன் மருத்துவமனையில் இலவச எலும்பு அடர்த்தி சோதனை முகாம்

காரைக்குடி, ஆக. 31- காரைக்குடியில் குளோபல் மிஷின் மருத்துவமனை ஆராய்ச்சி மையம், காரைக்குடி ரோட்டரி சங்கம், காரைக்குடி வெல்பர் அசோசியேஷன் இணைந்து நடத்திய மாபெரும் இலவச எலும்பு அடர்த்தி சோதனை மற்றும் மூட்டு வலி இலவச மருத்துவ முகாம் காரைக்குடி குளோபல் மெஷின் மருத்துவமனையில் நடந்தது. நிகழ்ச்சியில் நூற்றுக்கணக்கான பொதுமக்கள் கலந்து கொண்டு பயன் பெற்றனர். மருத்துவமனை சேர்மன் மருத்துவர் குமரேசன் வரவேற்றார். மதுரை கோட்ட எல். ஐ.சி., முகவரி சங்கத் தலைவர் மரிய லூயிஸ் சிறப்புரை ஆற்றினார். காரைக்குடி

ரோட்டரி சங்க தலைவர் ருக்மா சரவணன் வாழ்த்துரை வழங்கினார். காரைக்குடி வெல்பர் அசோசியேஷன் சங்கம் சார்பில், இஸ்மாயில் வாழ்த்துரை வழங்கினார். நான்கு சிறப்பு எலும்பு மூட்டு அறுவை சிகிச்சை நிபுணர்கள் பொதுமக்களுக்கு ஆலோசனை வழங்கினர். முகாமில் வாசன் கண் மருத்துவமனை மூலமாக கண் பரிசோதனைகளும், வழங்கப்பட்டது. பிசியோதெரபி மற்றும் ஆயில் தெரப்பி சிகிச்சையும் வழங்கப்பட்டது. காரைக்குடி குளோபல் மெஷின் மருத்துவமனை டைம்ஸ் ஹெல்த் பவுண்டேஷன் மற்றும் சாரிட்டபிள் டிரஸ்ட் விவேகானந்தன் ஏற்பாடுகளை செய்திருந்தார்.