போதை ஒழிப்பு விழிப்புணர்வு மாரத்தான் போட்டி

தேவகோட்டை ஸ்ரீ சேவுகன் அண்ணாமலை கல்லூரியில் போதைப்பொருள் ஒழிப்பு விழிப்புணர்வு மாரத்தான் போட்டி தேவகோட்டை (ஆக்-25) சிவகங்கை மாவட்டம் தேவகோட்டை ஸ்ரீ சேவுகன் அண்ணாமலை கல்லூரியின் நாட்டு நலப்பணித் திட்டம் மற்றும் உடற்கல்வி துறை இணைந்து போதைப்பொருள் ஒழிப்பு விழிப்புணர்வு மாரத்தான் போட்டி நடைபெற்றது இம்மாரத்தான் போட்டியை கல்லூரியின் முதல்வர் முனைவர் கண்ணன் கொடியசைத்து தொடங்கி வைத்தார். மாரத்தான் போட்டியானது அமராவதிபுதூர் காவல் நிலையத்திலிருந்து தேவகோட்டை புதிய பேருந்து நிலையம் (ராம்நகர்) வரை நடைபெற்றது இப்போட்டியில் முதல் இடத்தை இளங்கலைத் தமிழ் 2ஆம் ஆண்டு மாணவர் சந்தோஷ் பெற்றார். 2ஆம் இடத்தை இளங்கலை வணிகவியல் (சுயநிதிப் பிரிவு) 3ஆம் ஆண்டு மாணவர் கணேசன் பெற்றார். 3ஆம் இடத்தை இளங்கலை வணிக மேலாண்மை மாணவர் சஞ்சய் குமார் மற்றும் இளங்கலை ஆங்கிலத் துறை 3ஆம் ஆண்டு மாணவர் கோபி கண்ணன் ஆகியோர் பெற்றனர்.

போட்டியின் நிறைவில், அனைத்து மாணவர்களும் போதைப்பொருட்கள்இல்லாத தமிழ்நாடு என்ற நோக்கத்துடன் போதைப்பொருள் ஒழிப்பு உறுதிமொழியை ஏற்றுக்கொண்டனர். மாரத்தான் போட்டிக்கான ஏற்பாடுகளை கல்லூரியின் நாட்டு நலப்பணித் திட்ட அலுவலர்களான பேராசிரியர் திஷாந்த் குமார், முனைவர் காசிவிஸ்வநாதன், முனைவர் சுரேகா, முனைவர் கவிதா, முனைவர் விஜய பிரசாத் மற்றும் உடற்கல்வித் துறை இயக்குநர் முனைவர் லூர்துராஜ் ஆகியோர் சிறப்பாகச் செய்திருந்தனர்.