ராஜ ராஜன் பொறியியல் கல்லூரியில் முதலாம் ஆண்டு வகுப்பு துவக்க விழா

காரைக்குடி, ஆக.28- காரைக்குடி அமராவதி புதூர் ராஜ ராஜன் பொறியியல் மற்றும் தொழில்நுட்பக் கல்லூரியில் முதலாம் ஆண்டு மாணவர்களுக்கான வகுப்புகள் துவக்க விழா நடைபெற்றது. ராஜ ராஜன் கல்விக் குழுமத்தின் தலைவரும் அழகப்பா பல்கலைக்கழகத்தின் மேனாள் துணைவேந்தருமான முனைவர் சொ.சுப்பையா தலைமை தாங்கினார். தேசிய அளவில் சிறந்த ஆசிரியர் விருது பெற்ற கவிஞர் தங்கம் மூர்த்தி, அழகப்பா பொறியியல் கல்லூரி மின்னணுவியல் துறை தலைவர் முனைவர் கற்பக ராஜேஷ் சிறப்புரை ஆற்றினர். கல்லூரியின் டீன் முனைவர் சிவக்குமார் வரவேற்புரையாற்றினார். முதல்வர் முத்துக்குமார் வாழ்த்துரை வழங்கினார். சிறப்பு விருந்தினர் கவிஞர் தங்கம் மூர்த்தி அவ

ர்கள் பேசுகையில், மாணவர்கள் அனைவரும் நேரத்தை வீணடிக்காமல் தங்கள் திறமையை வளர்த்துக் கொள்ள வேண்டும். மாணவர்கள் இந்த பருவத்தில் நல்ல நண்பர்களை தேர்ந்தெடுக்க வேண்டும். நல்ல நண்பர்கள் தான் வாழ்க்கையில் உயர உதவுவார்கள் என்றும் கூறினார். நடப்பாண்டில் புதிதாக தகவல் தொழில்நுட்பத்துறை துவங்கப்பட்டு, மொத்தம் 8 துறைகளில் இதுவரை 350 மாணவர்கள் முதலாம் ஆண்டு சேர்ந்துள்ளனர் என்பது குறிப்பிடத்தக்கது. நிறைவாக கல்லூரியின் அட்மிஷன் ஒருங்கிணைப்பாளர் முனைவர் மீனா தேவி நன்றிகூறினார். ஏற்பாடுகளை துணை முதல்வர் மகாலிங்க சுரேஷ், முதலாம் ஆண்டு ஒருங்கிணைப்பாளர்கள் பேராசிரியை சத்யா மற்றும் பேராசிரியை பிரியா செய்திருந்தனர்.