தமிழ்நாடு கலை இலக்கிய பெருமன்றம் விருது வழங்கினர்

தேவகோட்டையில் த க இ பெ-சார்பில் 2025 விருதுகள் வழங்கும் விழா சென்னை முதன்மை கணக்கு தணிக்கையாளர் திருப்பதி வெங்கடசாமி IAAS பங்கேற்பு தேவகோட்டை (ஆக்-29) சிவகங்கை மாவட்டம் தேவகோட்டை ஆனந்தா கல்லூரி வளாகத்தில் தமிழ்நாடு கலை இலக்கியப் பெருமன்றம் மற்றும் நியூ செஞ்சுரி புக் ஹவுஸ் பிரைவேட் லிமிடெட் இணைந்து நடத்திய 2025-ஆம் ஆண்டிற்கான மாநில அளவிலான கலை, இலக்கிய மற்றும் ஊடக விருதுகள் வழங்கும் விழா ​தமிழ் மொழி, இலக்கியம் மற்றும் கலைத்துறையில் தங்களின் தனித்துவமான படைப்புகளின் மூலம் பங்களிப்பு செய்த சிறந்த படைப்பாளர்களைக் கௌரவிக்கும் வகையில் ​சிறந்த ஆய்வு நூல், ​சிறந்த கட்டுரை நூல்,​சிறந்த கவிதை நூல், ​சிறந்த சிறுகதை நூல்,​சிறந்த சிறுவர் நூல் ​சிறந்த மொழிபெயர்ப்பு நூல்,​சிறந்த அறிவியல் நூல், ​சிறந்த ஆவணப்படம் (Documentary), ​சிறந்த குறும்படம் (Short Film),​சிறந்த நாடகம் ஆகியவற்றிற்கு விருதுகள் வழங்கப்பட்டது.

​இவ்விழாவில் சிறப்பு விருந்தினராக சென்னை முதன்மை கணக்கு தணிக்கையாளர் திருப்பதி வெங்கடசாமி IAAS கலந்து கொண்டு விருதுகளை வழங்கிச் சிறப்பித்தார். அப்போது பேசிய அவர், "சமூகத்தின் அறிவொளி இயக்கத்திற்கு இலக்கியமும் கலைகளும் மிக முக்கியச் சான்றாகத் திகழ்கின்றன. படைப்பாளிகளின் சமூகப் பொறுப்புணர்வுமிக்க படைப்புகளை அடையாளம் கண்டு ஊக்குவிப்பது எதிர்காலத் தலைமுறைக்கு மிகச்சிறந்த வழிகாட்டுதலாக அமையும்" எனக் குறிப்பிட்டார். தமிழ்நாடு கலை இலக்கியப் பெருமன்றத்தின் மாநிலப் பொதுச் செயலாளர் அறம் மற்றும் மாநில செயற்குழு உறுப்பினர் முனைவர் முருகன் இந்நிகழ்ச்சியினை ஒருங்கிணைத்து வழிநடத்தினார். ​இவ்விழாவில் தமிழ்நாட்டின் பல்வேறு மாவட்டங்களைச் சேர்ந்த எழுத்தாளர்கள், கவிஞர்கள்,சமூக ஆர்வலர்கள், பதிப்பகப் பிரதிநிதிகள் மற்றும் பொதுமக்கள் திரளாகக் கலந்துகொண்டு விழாவினைச் சிறப்பித்தனர்