உதயநிதி ஸ்டாலின் கைது: காரைக்குடியில் திமுகவினர் சாலை மறியல்

காரைக்குடி, ஜூலை 4- தஞ்சாவூரில் நடைபெற்ற நிகழ்ச்சியில் உதயநிதி ஸ்டாலின் பெண்களை அவதூறாக பேசியதாக கூறப்பட்ட புகாரின் அடிப்படையில், தஞ்சாவூர் காவல்துறையினர் சென்னையில் அவரை கைது செய்ததாக தெரிவிக்கப்பட்டது. உதயநிதி ஸ்டாலின் கைது செய்யப்பட்டதை கண்டித்து காரைக்குடியில் திமுகவினர் சாலை மறியல் போராட்டத்தில் ஈடுபட்டனர். காரைக்குடி பெரியார் சிலை அருகே, மாநகராட்சி பொறுப்பு மேயர் குணசேகரன் தலைமையில் திமுகவினர் போராட்டத்தில் ஈடுபட்டனர். போராட்டத்தில் ஈடுபட்ட திமுகவினரை காவல்துறையினர் கைது செய்தனர்.