சேது பாஸ்கரா வேளாண் கல்லூரியில் 16 ஆயிரம் மரக்கன்றுகள் நட்டு உலக சாதனை முயற்சி

காரைக்குடி, செப்.16- காரைக்குடி அருகே கலாம் கவி கிராமத்தில் அமைந்துள்ள சேது பாஸ்கரா வேளாண் கல்லூரி மற்றும் ஆராய்ச்சி நிலையத்தில் வருகிற செப்.19-ம் தேதி மரம் வைப்போம் மனம் மகிழ்வோம் 2026 என்ற அடிப்படையில் சக்திவாய்ந்த பசுமை இயக்க நிகழ்ச்சி நடக்க உள்ளது. இதில் உலக சாதனை முயற்சியாக 16 ஆயிரம் மரக்கன்றுகள் மூவாயிரம் தன்னார்வலர்கள் மூலம் நடப்பட உள்ளது. இதில் சிவகங்கை இந்தோ திபெத் எல்லை பாதுகாப்பு படை, காரைக்குடி அமராவதிபுதூர் மத்திய தொழில்பாதுகாப்பு படை, காரைக்குடி அழகப்பா பல்கலைக்கழகம், சிவகங்கை ராஜா துரைசிங்கம் அரசு கலைக்கல்லூரி, அமராவதிபுதூர் சாரதா நிகேதன் மகளிர் கல்லூரி, தேவகோட்டை சேவுகன் அண்ணாமலை கல்லூரி, சென்னை சோகோ இகோடா கலை அறிவியல் மகளிர் கல்லூரி, கண்டரமாணிக்கம் சேது ஐராணி மெட்ரிக்., பள்ளி, சேது பாஸ்கரா ஐ.டி.ஐ., காரைக்குடி என்.சி.சி., ஒன்பதாவது பட்டாலியன், கம்பன் கற்பகம் மெட்ரிக்., மேல்நிலை பள்ளி மாணவர்கள் மற்றும் தன்னார்வலர்கள் பங்கேற்கின்றனர். நி

கழ்ச்சியை குன்றக்குடி பொன்னம்பல அடிகளார், சென்னை உயர்நீதிமன்ற முன்னாள் நீதிபதி ராஜேஸ்வரன் தொடங்கி வைக்கின்றனர். சிறப்பு விருந்தினர்களாக கலெக்டர் ஆகாஷ், மாவட்ட காவல் கண்காணிப்பாளர் அபிஷேக்குப்தா, இந்தோ திபெத் பாதுகாப்பு படை துணை இயக்குனர் ஜஸ்டின் ராபர்ட், அமராவதி புதூர் தொழில் பாதுகாப்பு படை கமாண்டண்ட் அசோக் ஜல்வானியா, மாவட்ட வருவாய் ஆய்வாளர் செல்வசுரபி, அழகப்பா பல்கலை முன்னாள் துணைவேந்தர்கள் சுப்பையா, ரவி, அழகப்பா பல்கலை துணைவேந்தர் பொறுப்பு ஜெயகாந்தன், சென்னை ரோட்டரி கிளப் ஆப் சிட்டி தலைவர் ராமகிருஷ்ணன் நாயக், செயலாளர் குருமூர்த்தி சந்திரன், தேவகோட்டை உதவி காவல் கண்காணிப்பாளர் கண்ணன், டாக்டர்கள் திருப்பதி, குமரேசன், அமராவதி புதூர் சாரதா நிகேதன் மகளிர் கல்லூரி செயலர் பத்மாவதி சாரதேஸ்வரி பிரியா அம்பா மற்றும் பலர் பங்கேற்கின்றனர். ஏற்பாடுகளை தாளாளர் சேது குமணன், செயலாளர் கோகிலம் குமணன், முதல்வர் பேபி ராணி மற்றும் ஆசிரியர்கள், மாணவர்கள் செய்து வருகின்றனர்.