இந்தியன் ரெட்கிராஸ் சொசைட்டி சார்பில் நலத்திட்ட உதவிகள்

காரைக்குடி, ஜூன் 9- சிவகங்கை மாவட்ட இந்தியன் ரெட் கிராஸ் சொசைட்டி சார்பில் பள்ளி, கல்லூரி மாணவர்களுக்கு புத்தக பைகள், பள்ளிச் சீருடைகள், நோட்டு புத்தகங்கள் வழங்கும் நிகழ்ச்சி காரைக்குடி மகரிஷி வித்யா மந்திர் மேல் நிலைப் பள்ளியில் நடைபெற்றது. மாவட்ட சேர்மன் சுந்தரராமன் தலைமை தாங்கினார். மாவட்ட குழந்தைகள் நலன் மற்றும் சட்டம் சார்ந்த துறை அலுவலர் வழக்குரைஞர் மணிமேகலை கருத்துரை வழங்கினார். மகரிஷி பள்ளி மேலாண்மை இயக்குனர் ஐஸ்வர்யா அஜய் யுக்தேஷ் புத

்தக பைகள் வழங்கி பேசினார். கணிப்பொறியாளர் கார்த்திக் பள்ளிச் சீருடைகள், நோட்டு புத்தகங்கள் வழங்கினார். பள்ளி தாளாளர் சேதுராமன், லண்டன் முரளி ஆகியோருக்கு வாழ்த்து தெரிவிக்கப்பட்டது. நிகழ்ச்சியில் யூத் ரெட் கிராஸ் ஒருங்கிணைப்பாளர் முனைவர் பரிதா பேகம், ரத்த தான மாவட்ட ஒருங்கிணைப்பாளர் செங்கையா ராமசாமி உட்பட பலர் பங்கேற்றனர். முன்னதாக முனைவர் பல்கலை பேராசிரியர் விநாயகமூர்த்தி வரவேற்றார். இந்திரா நகர் மகரிஷி பள்ளி முதல்வர் ரவிக்குமார் நன்றி கூறினார்.