காரைக்குடியில் அண்ணாமலை தொடங்கியுள்ள வீ த லீடர்ஸ் நிர்வாகிகள் கூட்டம்

காரைக்குடி, ஜூன் 20- காரைக்குடியில் முன்னாள் ஐ.பி.எஸ்., அதிகாரி அண்ணாமலை தொடங்கியுள்ள ‘வீ த லீடர்ஸ்’ அமைப்பின் சார்பில் நிர்வாகிகள் கூட்டம் நடந்தது. பா.ஜ.க முன்னாள் மாவட்ட பொருளாளர் சிவக்குமார் தலைமை வகித்தார். இதில் சிவக்குமார் பேசுகையில், நான் உள்பட இங்கு வருகை தந்துள்ள பா.ஜ.க முன்னாள் நிர்வாகிகள் அனைவரும் பா.ஜ.கவில் இருந்து எங்கள் பதவிகளை முறையாக ராஜினாமா செய்துவிட்டு ‘வீ த லீடர்ஸ்’ அமைப்பில் உறுப்பினர்களாக இணைந்துள்ளோம்.அண்ணாமலையை சந்தித்தபோது உறுப்பினர் சேர்க்கையில் முக்கிய கவனம் செலுத்த அறிவுறுத்தி உள்ளார்.ஆங்காஙகே பொதுமக்கள் தன்னெழுச்சியாக தங்களை ‘வீ த லீடர்ஸ்’ அமைப்பில் உறுப்

பினர்களாக இணைத்துக் கொண்டு வருகின்றனர். அவர்களை இணைக்கும் பணியில் ஈடுபடும் தன்னார்வலர்களுக்கு தேவையான உதவிகளை செய்வதற்கு நாங்கள் தயாராக உள்ளோம். முதற்கட்டமாக உறுப்பினர் சேர்க்கை முகாம்களுக்கு தேவையான டெண்ட்களை வழங்க உள்ளோம். 50 இலட்சம் உறுப்பினர்கள் இலக்கை எட்டியவுடன் இது அரசியல் கட்சியாக மாறும் என அண்ணாமலை உறுதி அளித்துள்ளார் என்றார்.இதில் முன்னாள் பா.ஜ.க மாநில, மாவட்ட நிர்வாகிகள் விநாயகம், செல்வகணபதி, கார்த்திக், சண்முகநாதன், மெய்யப்பன், துரை, சபரி, விக்ரமன், ராஜசேகரன், ரவிச்சந்திரன், ருத்ராபதி, பெரியசாமி, குருநாதன், சக்திவேல், முனியாண்டி, கண்ணன், கருப்பையா உள்பட பலர் உடன் இருந்தனர்.