ஸ்ரீ இராஜ ராஜன் பொறியியல் கல்லூரியில் சிவில் இன்ஜினியரிங் மாணவர்களுக்கு பயிற்சி சான்றிதழ் வழங்கும் விழா

காரைக்குடி ஜூலை. - 31 காரைக்குடி அமராவதி புதூரில் அமைந்துள்ள ஸ்ரீ இராஜ ராஜன் பொறியியல் மற்றும் தொழில்நுட்பக் கல்லூரியின் சிவில் இன்ஜினியரிங் மாணவர்கள், காரைக்குடியில் உள்ள தலைசிறந்த கட்டிட பொறியாளர்களின் நிறுவனங்களில் 15 நாட்கள் கட்டிடக் களப்பயிற்சி பெற்றனர். அவர்களுக்கான பயிற்சி சான்றிதழ் வழங்கும் விழா இராஜராஜன் பொறியியல் கல்லூரி வளாகத்தில் நடைபெற்றது. இந்த நிகழ்ச்சியில் ஸ்ரீ இராஜ ராஜன் கல்விக் குழுமத்தின் தலைவரும் அழகப்பா பல்கலைக்கழகத்தின் முன்னாள் துணைவேந்தருமான முனைவர் சொ.சுப்பையா அவர்கள் தலைமை தாங்கினார். இந்நிகழ்ச்சியின் சிறப்பு விருந்தினர்களாக காரைக்குடி சிவில் இன்ஜினியரிங் அசோசியேஷன் தலைவர் சோலைமலை, செயலாளர் நாச்சியப்பன், இன்ஜினியர்கள் ரெத்தினசாமி, சரவணப் பாண்டி , ஜெனித், முத்து, மோகன சுந்தரம் ஆகியோர் பங்கேற்றனர். கல்லூரியின் முதல்வர் முனைவர் முத்துக்குமார் அவர்கள் வரவேற்புரையாற்றினார். கல்லூரியின் டீன் முனைவர் சிவக்குமார் அவர்கள் வாழ்த்துரை வழங்கினார்.

விழாவில் பேசிய முனைவர் சொ.சுப்பையா ‘இத்தகைய நேரடி பயிற்சி மாணவர்களின் செயல்திறன் அறிவை வளர்த்துக் கொள்ள உதவும். அவர்கள் வருங்காலத்தில் தொழில் முனைவோராக மாறவும் உதவும். இத்தகைய பயிற்சி அடுத்த ஆண்டு முதல் 30 நாட்கள் வழங்கப்படும்‘ என்று கூறினார். நிகழ்ச்சியின் சிறப்பு விருந்தினர் சோலைமலை அவர்கள் பேசுகையில் ‘இத்தகைய பயிற்சி மாணவர்களின் திறனை வளர்க்கவும், கட்டுமானப்பணியில் உள்ள நுணுக்கங்களை அறிந்து கொள்ளவும் உதவும்‘ என்று கூறினார். பயிற்சி பெற்ற 50க்கும் மேற்பட்ட மாணவர்களுக்கு பயிற்சி சான்றிதழ்கள் வழங்கப்பட்டன. நிறைவாக சிவில் துறை தலைவர் முகிலன் அவர்கள் நன்றியுரை கூறினார். விழா ஏற்பாடுகளை பேராசிரியை அபிநயா மற்றும் பேராசிரியை ஸ்ருதி ஆகியோர் ஏற்பாடு செய்திருந்தனர். இந்த நிகழ்ச்சியில் பல்வேறு துறை தலைவர்கள் ஆசிரியர்கள் மற்றும் மாணவர்கள் கலந்து கொண்டு சிறப்பித்தனர்.