ராஜ ராஜன் கல்வி நிறுவனங்களின் ஆசிரியர் தினவிழா 27 ஆசிரியர்களுக்கு நல்லாசிரியர் விருது வழங்கி பாராட்டு

காரைக்குடி, செப்.15- காரைக்குடி அருகே, அமராவதிபுதூரில் அமைந்துள்ள ராஜ ராஜன் கல்வி நிறுவனங்களான, ஸ்ரீராஜ ராஜன் கல்வியியல் கல்லூரி, ஸ்ரீ இராஜ ராஜன் மகளிர் கல்வியியல் கல்லூரி, ஸ்ரீ இராஜ ராஜன் பொறியியல் மற்றும் தொழில்நுட்பக்கல்லூரி, ஸ்ரீ இராஜ ராஜன் சி.பி.எஸ்.இ., பள்ளி மற்றும் இராஜ ராஜன் செவிலியர் கல்லூரிகளின் சார்பாக ஆசிரியர் தின விழா கல்லூரி வளாகத்தில் நடைபெற்றது. இவ்விழாவில் ஸ்ரீ இராஜ ராஜன் மகளிர் கல்வியியல் கல்லூரியின் முதல்வர் முனைவர் சிவகுமார் வரவேற்புரை வழங்கினார். இவ்விழாவிற்கு ஸ்ரீ இராஜ ராஜன் கல்விக்குழுமத்தின் தலைவர் மற்றும் அழகப்பா பல்கலைக்கழகத்தின் மேனாள் துணைவேந்தர் பேராசிரியர் சுப்பையா தலைமை வகித்தார். சிறப்பு விருந்தினராக அழகப்பா பல்கலைக்கழகத்தின் மேனாள் துணைவேந்தர் பேராசிரியர் ரவி பங்கேற்று சிறப்புரையாற்றினார். அவர் பேசுகையில், நான் ஒரு விவசாய குடும்பத்தில் பிறந்தவன் என் தந்தை மிகவும் கண்டிப்பானவர் என்னுடைய விடாமுயற்சியாலும், என்

குடும்பத்தாரினுடைய அன்பாலும், ஆலோசனையாலும் இன்று உயர்ந்த இடத்தைப் பெற்றுள்ளேன். ஆசிரியர்கள் தங்களால் இயன்ற அளவுக்கு ஏழை, எளிய மாணவர்களுக்கு பொருளாதார உதவிகள் செய்து கல்விக்கு உதவ வேண்டும், நானும் அதனைக் கடைபிடித்து வருகிறேன். ஆசிரியர்கள் தியாக உணர்வோடு உழைப்பவரானால் நிச்சயம் இந்தச் சமூகம் உரிய மரியாதையை அளிக்கும், என்றார். மேலும் ஸ்ரீ இராஜ ராஜன் கல்வி நிறுவனங்களில் 1௦௦% தேர்ச்சி வழங்கிய 27 ஆசிரியர்களுக்கு நல்லாசிரியர் விருது மற்றும் நினைவு பரிசு வழங்கி கௌரவிக்கப்பட்டது. இவ்விழாவில் ஸ்ரீ இராஜ ராஜன் கல்வி நிறுவனங்களின் ஆசிரியர்கள், பேராசிரியர்கள் மற்றும் அலுவலகப் பணியாளர்கள் கொண்டனர். நிகழ்ச்சியை ஸ்ரீ இராஜ ராஜன் மகளிர் கல்வியியல் கல்லூரியின் பேராசிரியர் பாலசுந்தரி தொகுத்து வழங்கினார் இறுதியாக ஸ்ரீ இராஜ ராஜன் பொறியியல் மற்றும் தொழில்நுட்பக் கல்லூரியின் துணை முதல்வர் மகாலிங்கசுரேஷ் நன்றி கூறினார்.