ராஜ ராஜன் பொறியியல் கல்லூரி மற்றும் கல்வியியல் கல்லூரி பட்டமளிப்பு விழா

காரைக்குடி, ஆக.13- காரைக்குடி அமராவதிபுதூரில் அமைந்துள்ள ஸ்ரீ இராஜ ராஜன் பொறியியல் மற்றும் தொழில்நுட்பக் கல்லூரியில் 11வது பட்டமளிப்பு விழா , ஸ்ரீ இராஜ ராஜன் கல்வியியல் கல்லூரி மற்றும் ஸ்ரீ இராஜ ராஜன் மகளிர் கல்வியியல் கல்லூரியில் 16வது பட்டமளிப்பு விழா கல்லூரி வளாகத்தில் நடைபெற்றது. கனிமவளத் துறை அமைச்சர் டாக்டர்.டி.கே.பிரபு மாணவர்களுக்கு பட்டங்களை வழங்கினார். ஸ்ரீ இராஜ ராஜன் கல்விக் குழுமத்தின் தலைவரும், அழகப்பா பல்கலைக்கழகத்தின் மேனாள் துணைவேந்தருமான முனைவர் சொ.சுப்பையா அவர்கள் தலைமை வகித்தார்.அமைச்சர் டாக்டர் பிரபு பேசுகையில், பட்டம் பெறும் மாணவர்கள் அனைவரும் பெரிதாகக் கனவு காண வேண்டும். தோல்வியைக் கண்டு அஞ்சாமல், விடாமுயற்சியுடன் செயல்பட்டு , வாழ்வில் வெற்றி பெற வேண்டும், என்று பேசினார். பட்டமளிப்பு விழாவிற்கு தமிழ்நாடு ஆசிரியர் கல்வியியல் பல்கலைக்கழகத்தின் என்.சி.டி.இ., உறுப்பினர் முனைவர் கீதாலெட்சுமி சிறப்பு அழைப்பாளராக கலந்து கொண்டார். கல்வியியல் கல்லூரிகளின் பட்டமளிப்பு விழாவில் பல்கலைக்கழக அளவில் முதல் மதிப்பெண் பெற்ற மாணவி மகரஜோதி விக்னேஷ்-க்கு நாகாடி சுப்பிரமணியன் - அழகு நினைவு விருது, தங்கப்பதக்கம் மற்றும் தங்க நாணயம் வழங்கப்பட்டது.

முன்னதாக ராஜ ராஜன் பொறியியல் கல்லூரியின் முதல்வர் முனைவர் முத்துக்குமார் அவர்கள் வரவேற்றார். 150 பொறியியல் கல்லூரி மாணவர்களும் , 200 கல்வியியல் கல்லூரி மாணவர்களுக்கு பட்டங்கள் வழங்கப்பட்டது. நிகழ்ச்சியில் ராஜ ராஜன் மகளிர் கல்வியியல் கல்லூரியின் முதல்வர் சிவக்குமார், இருபாலர் கல்வியியல் கல்லூரியின் முதல்வர் முனைவர் அங்கயற்கண்ணி, பொறியியல் கல்லூரியின் டீன் சிவக்குமார், துணை முதல்வர் மகாலிங்க சுரேஷ், தேர்வு கண்காணிப்பாளர் முனைவர் இராஜேஸ்வரி, பல்வேறு துறை தலைவர்கள், ஆசிரியர்கள், பெற்றோர்கள் மற்றும் மாணவர்கள் பங்கேற்றனர்.