காரைக்குடிக்கு வருகை தந்த நாசா விஞ்ஞானி

காரைக்குடி, ஆக.18- காரைக்குடி அமராவதிபுதூர் ராஜ ராஜன் பொறியியல் கல்லூரி மற்றும் ராஜ ராஜன் சி.பி.எஸ்.இ பள்ளியில் விண்வெளி தொழில்நுட்பம் குறித்து சர்வதேச கருத்தரங்கம் நடைபெற்றது. அமெரிக்காவின் நாசா விண்வெளி வீரர் டாக்டர்.டான் தாமஸ் சிறப்பு விருந்தினராக பங்கேற்றார். இவர் நான்கு முறை விண்வெளிக்கு சென்றுள்ளார், 45 நாட்களுக்கு மேல் விண்வெளியில் இருந்து சாதனைப் புரிந்துள்ளார் என்பது குறிப்பிடத்தக்கது. நிகழ்ச்சிக்கு ராஜ ராஜன் கல்விக் குழுமத்தின் தலைவரும் அழகப்பா பல்கலைக்கழகத்தின் மேனாள் துணைவேந்தருமான முனைவர் சொ.சுப்பையா தலைமை தாங்கினார்.‌ சென்னை நாசாவின் சி.இ.ஓ மற்றும் கோ ஃபௌன்ட் குரு நிறுவனத்தின் தலைவர் காயம்பு இராமலிங்கம், தேசிய அளவில் சிறந்த ஆசிரியர் விருது பெற்ற கவிஞர் தங்கம் மூர்த்தி, அமெரிக்காவை சேர்ந்த மருத்துவர் சதாசிவம் வாழ்த்துரை வழங்கினர்‌. கருத்தரங்கத்தின்

சிறப்பு விருந்தினர் டாக்டர்.டான் தாமஸ், விண்வெளியில் தனது அனுபவங்களை மாணவர்களுடன் பகிர்ந்து கொண்டார். விண்வெளி தொழில்நுட்பத்தின் எதிர்கால வாய்ப்புகள் குறித்து மாணவர்களுக்கு எடுத்துரைத்தார். மேலும் நிகழ்ச்சியில் கலந்து கொண்ட பள்ளி மற்றும் கல்லூரி மாணவர்களின் நூற்றுக்கணக்கான கேள்விகளுக்கு பதிலளித்து மாணவர்களுடன் கலந்துரையாடினார். அவருக்கு கல்லூரியின் சார்பில் "விண்வெளி சாதனையாளர் விருது" வழங்கப்பட்டது. இந்த கருத்தரங்கில் 100க்கும் மேற்பட்ட பள்ளி மற்றும் கல்லூரியை சேர்ந்த 2000க்கும் மேற்பட்ட மாணவர்கள் கலந்து கொண்டனர். ராஜ ராஜன் பொறியியல் கல்லூரியின் முதல்வர் முனைவர் முத்துக்குமார், கல்லூரியின் டீன் முனைவர் சிவக்குமார், சி.பி.எஸ்.இ பள்ளியின் முதல்வர் வடிவாம்பாள், பல்வேறு பள்ளி மற்றும் கல்லூரியின் தாளாளர்கள், முதல்வர்கள், ஆசிரியர்கள் மற்றும் மாணவர்கள் கலந்து கொண்டனர்.