காரைக்குடி சேது பாஸ்கரா வேளாண்மைக் கல்லூரி ஆண்டு விழா

காரைக்குடி, ஜூன் 17- காரைக்குடி அருகே விசாலையன்கோட்டையில் அமைந்துள்ள சேது பாஸ்கரா வேளாண்மைக் கல்லூரி மற்றும் ஆராய்ச்சி நிறுவனம் சார்பில் 11வது ஆண்டு விழா கல்லூரி வளாகத்தில் நடைபெற்றது. விழாவிற்கு கல்லூரியின் தாளாளர் முனைவர் சேது குமணன் தலைமை வகித்தார். முதல்வர் வி. பேபி ராணி வரவேற்றார். சாதனைகள் குறித்து துணை முதல்வர் விஷ்ணுபிரியா பேசினார். சிவகங்கை ராஜா துரைசிங்கம் அரசு கலைக்கல்லூரி, முதல்வர் முனைவர் எஸ். ஆண்டனி டேவிட் நாதன் மற்றும் திருச்சி ஹோலி கிராஸ் கல்லூரி முதல்வர் அருட்சகோதரி முனைவர் ராஜகுமாரி பி. ஆகியோர் சிறப்புரை ஆற்றினர். புளியால் அரசுஉயர்நிலைப்பள்ளி தலைமை ஆசிரியர் எஸ். நாகேந்திரன், திருவேகம்பத்து அரசு பள்ளி தலைமை ஆசிரியர் ஆர்.டி. நிர்மலா, முப்பையூர் அரசு உயர்நிலைப்பள்ளி,பட்டதாரி ஆசிரியர் திரு. ஏ. அருண்குமார் மற்றும் சென்னை அம்பத்தூர் சோகா இகெதா மகளிர் கலை மற்றும் அறிவியல் கல்லூரியின் துனை முதல்வர் முனைவர் கண்மனி சுப்பிரமணியன் ஆகியோர் கலந்து கொண்டு மாணவர்களுக்கு வாழ்த்துரை வழங்கினர்.

இந்நிகழ்வில் பரிசளிப்பு மற்றும் ஆண்டு நூல் வெளியீடில், கல்வி, விளையாட்டு மற்றும் இணைப்பாட செயல்பாடுகளில் சிறந்து விளங்கிய மாணவ, மாணவியர்களுக்கு திறமையாளர் பரிசுகள் மற்றும் பாராட்டுச் சான்றிதழ்கள் வழங்கப்பட்டன. ஏற்பாடுகளை பேராசிரியர் ஆலோசகர் முனைவர் அ. கவியரசு (தோட்டகலைத்துறை) மற்றும் பேராசிரியை இரா.மீனா ( வேளான் பொறியியல் துறை) செய்திருந்தனர்.