லஞ்சம் வாங்கிய காரைக்குடி மாநகராட்சி வருவாய் உதவியாளர் கைது

காரைக்குடி, ஜூன் 27- காரைக்குடி மாநகராட்சியில் வருவாய் உதவியாளராக பணியாற்றி வருபவர் சரவணன். இவரிடம் காரைக்குடி மாநகராட்சிக்கு உட்பட்டதும், தற்போது மாநகராட்சி விரிவாக்கத்திற்காக இணைக்கப்பட்டதுமான, பேயன்பட்டியை சேர்ந்த பெண் ஒருவர் அவரது வீட்டுக்கான வரி விதிப்புக்காக அணுகியுள்ளார். சரவணன் அவரிடம் புதிய வரி ரசீது போடுவதற்கு ரூ.10 ஆயிரம் லஞ்சமாக கேட்டுள்ளார். இதையடுத்து அப்பெண் ரூ.6 ஆயிரத்தை ஜிபே மூலம் செலுத்தியுள்ளார். மீதி நான்காயிரத்தை ரொக்கமாக தருவதாக கூறியுள்ளார். இந்நிலையில் அப்பெண் லஞ்ச ஒழிப்பு துறைக்கு தகவல் தெரிவித்தார். அதன் அடிப்படையில் சிவகங்கை லஞ்ச ஒழிப்பு அதிகாரிகள் மறைந்து கண்காணித்தனர். அப்போது பில் கலெக்டர் சரவணன் ரூ.4000 லஞ்சம் பெற்றபோது, லஞ்ச ஒழிப்பு துறையினர் வுரை கையும் களவுமாக பிடித்து கைது செய்தனர்.

இதனைத் தொடர்ந்து, லஞ்ச ஒழிப்புத்துறை அதிகாரிகள் தீவிர விசாரணை நடத்தி வருகின்றனர். மேலும், ஊழல் தடுப்புச் சட்டத்தின் கீழ் வழக்குப் பதிவு செய்யப்பட்டு, நீதிமன்றத்தில் ஆஜர்படுத்த நடவடிக்கை மேற்கொள்ளப்பட்டு வருகிறது.