சருகணி உதயா மகளிர் கல்லூரியில் கல்லூரிகளுக்கு இடையிலான போட்டி

தேவகோட்டை அருகே சருகணி இதயா மகளிர் கல்லூரியில் கல்லூரிகளுக்கு இடையேயான மாநில அளவிலான போட்டிகள் நடைபெற்றது சிவகங்கை மாவட்டம் தேவகோட்டை வட்டம் சருகணி இதயா மகளிர் கல்லூரியில் கணினிப் பயன்பாட்டியல் துறையினர் சார்பாக பல்வேறு கல்லூரிகளுக்கு இடையேயான தொழில்நுட்பம் மற்றும் தொழில்நுட்பம் சாரா போட்டிகள் கல்லூரி செயலர் முனைவர் அருட்சகோதரி பாத்திமா பவுலா மற்றும் கல்லூரி முதல்வர் முனைவர் அருட்சகோதரி மெல்டிந்தா மேரி தலைமையில் நடைபெற்றன. நிகழ்ச்சியில் புனிதா மேரி வரவேற்புரை வழங்கினார். கல்லூரி முதல்வர் மெல்திந்தா மேரி தலைமை உரையாற்றினார். சிறப்பு விருந்தினராக காரைக்குடி அழகப்பா பல்கலைக்கழகம் உயிரிதகவலியல் துறையின் உதவிப் பேராசிரியை முனைவர் வித்யாவதி கலந்து கொண்டார் இப்போட்டிகளில் வேலு மனோகரன் கலை மற்றும் அறிவியல் கல்லூரி,ஸ்ரீ சாரதா நிகேதன் கலை மற்றும் அறிவியல் கல்லூரி, ஆனந்தா கல்லூரியின் கணினி அறிவியல் மற்றும் கணினி பயன்பாட்டியல் துறைகள், நாச்சியப்பா சுவாமிகள் கலை மற்றும் அறிவியல் கல்லூரி,மதுரை சிவகாசி நாடார் பெண்கள் கல்லூரியின் தகவல் தொழில்நுட்பவியல் மற்றும் கணினி அறிவியல் துறைகள் உள்ளிட்ட கல்லூரிகள் பங்கேற்றன.

தொழில்நுட்பப் பிரிவில் கட்டுரை வழங்குதல் (Paper Presentation), செயற்கை நுண்ணறிவு காணொளி உருவாக்கம் (AI Video Making), இணையதள வடிவமைப்பு (Web Designing), நிரல் உருவாக்கம் (Program Development) ஆகிய போட்டிகள் நடைபெற்றன. தொழில்நுட்பம் சாரா பிரிவில் மைம்,கருத்துக்கரு நடனம்,கோலப்போட்டி,மின்னணுக் கழிவுகளில் இருந்து கலைப்பொருள் உருவாக்கம்,முக ஓவியம் உள்ளிட்ட போட்டிகள் நடைபெற்றன. பல்வேறு போட்டிகளில் சிறப்பாகச் செயல்பட்ட வேலு மனோகரன் கலை மற்றும் அறிவியல் கல்லூரியின் கணினி அறிவியல் துறை ஒட்டுமொத்த வெற்றியாளராக தேர்வு செய்யப்பட்டு சாம்பியன் பட்டத்தைப் பெற்றது.மதுரை சிவகாசி நாடார் பெண்கள் கலை மற்றும் அறிவியல் கல்லூரி இரண்டாம் இடத்தைப் பெற்று வெற்றி பெற்றது. வெற்றி பெற்ற அணிகளுக்கு அருள் அன்னை முனைவர் பாத்திமா பவுலா கேடயங்களை வழங்கி பாராட்டினார். நிகழ்ச்சி மாணவர்களின் தொழில்நுட்பத் திறன்,படைப்பாற்றல் மற்றும் கலைத்திறனை வெளிப்படுத்தும் வகையில் சிறப்பாக அமைந்தது.இந்நிகழ்ச்சியில் கல்லூரிகளின் பேராசிரியர்கள் மற்றும் மாணவிகள் கலந்து கொண்டனர்