காரைக்குடி பத்திரப்பதிவு அலுவலகத்தில் புரோக்கரிடம் 73 ஆயிரம் ரூபாய் லஞ்சபணம்

காரைக்குடி, ஜூ்ன் 5- சிவகங்கை மாவட்டம் காரைக்குடி திருச்சி ராமேஸ்வரம் நெடுஞ்சாலையில் சார் பதிவாளர் அலுவலகம் செயல்பட்டு வருகிறது. இங்கு இணை சார் பதிவாளர் 1 மற்றும் இணை சார் பதிவாளர் 2 அலுவலகங்கள் செயல்பட்டு வருகிறது. இங்குள்ள இணை சார் 1 இல் பதிவாளராக இருப்பவர் பாண்டியன். சிவகங்கை லஞ்ச ஒழிப்புத்துறை டி.எஸ்.பி., ராமச்சந்திரன் உத்தரவின் பேரில் இன்ஸ்பெக்டர் கண்ணன் தலைமையில் 4 க்கும் மேற்பட்ட லஞ்ச ஒழிப்பு போலீசார் திடீர் சோதனை மேற்கொண்டனர். பதிவாளர் பாண்டியன், அலுவலர்கள், புரோக்கர்கள் மற்றும் பத்திரப்பதிவு செய்ய வந்த பொதுமக்கள் என பலரிடம் சோதனை நடத்தினர்.

இதில், தனியார் டாக்குமெண்ட்ஸ் ரைட்டர் அலுவலகத்தில் பணிபுரியும் புரோக்கர் ஒருவரிடம் பத்திர அலுவலகத்தில் கணக்கில் வராத பணம் 73 ஆயிரம் ரூபாய் இருந்தது கண்டறியப்பட்டு அதை லஞ்ச ஒழிப்பு துறையினர் பறிமுதல் செய்து புரோக்கரிடம் விசாரணை செய்து வருகின்றனர்.